Қызылорда облысы Азаматтық Альянсы «ЭкоМектеп» шарасын облыс әкімдігі және ҚазГерМұнай БК ЖШС қолдауымен сәтті жүргізіп келеді. «ЭкоМектеп» Қызылорда қаласы мектеп оқушыларын өз сыныптастарына, достарына экологиялық білімді таратуға біріктіріп отыр. Экологиялық мектепте аймағымызда осы бағытта жұмыс жасайтын үкіметтік емес ұйым өкілдері дәріс беруде, ақпараттық материалдар әзірлеуде. Бұл ұйымдар Азаматтық Альянстың мүшелері болып табылады. Жалпы экологиялық мектептің мақсаты: мемлекеттік органдар, бизнес құрылымдары және үкіметтік емес ұйымдарының күшін климаттың өзгеру мүмкіндігі туралы тұрғындар арасында ақпарат таратуға жұмылдыру. Тұрақты даму бойынша нақты шараларды жүзеге асыру. Ең бастысы – біздің ғаламшарға деген қамқорлығымыз. Бүгін «ЭкоМектеп» дәрісі № 140 орта мектебі, Көмекбай Қаракөзов атындағы № 235 орта мектепте, Жаппасбай Нұрсейтов атындағы № 233 орта мектепте өтті. Дәріске қатысқан оқушылар мектеп қабырғасынан алған экологиялық білімін жетілдіре түсіп, табиғатқа қамқорлық, қоршаған ортаны қорғауға қатысты тың ойларымен бөлісті. Маңызы жоғары шараны ұйымдастыруға қатысқан мектеп ұжымдарына Алғыс білдіреміз!
