«Ауылдық азаматтық бастамаларды дамыту» жобасы аясында Қамыстыбас ауылдық округінде және Сабалақ елдімекеніндегі мектептерде, жалпы Қызылорда облысының ауылдық округтерінде орналасқан мектептерде «Қоқыстарды бөлек жинаудың маңыздылығы туралы» презентация, экосабақтар 2023 жылғы 9-13 қазан аралығында өткізілді.
Экокеңесшілер мен жоба тренерлері әзірлеген презентацияны экокеңесшілер жүргізді.
Экосабақта Арал ауданы оқушыларына «Қоршаған ортаны қорғау, тұрақты даму мақсаттары», «Қалдықтарды бөлек жинаудың маңыздылығы» тақырыбында дәрістер оқылды.
Экосабаққа қатысушы балалар қоршаған ортаның ластануының алдын алуға қатысты өз ойларымен бөлісіп, түрлі жобалардың идеяларын ортаға салды. Болашақта экобелсенді болғысы келетіндерін, туған жерінің гүлдеруіне қосар үлестерін айтып пікір алысты.
Оқушыларға арналған экосабақтар алдағы уақытта жоғары сынып оқушылары бастауыш сынып оқушыларына арнап өткізумен жалғасын табатын болады.
